كسرات ينبعاويه ان شاء الله تعجبكم ...


سـلام الصـفـا وعـطـر بـالازهـار
ومني سـلام الهنـى ياصاحـب الـدار
ومني سلام للي حضر والي تفقدو الابصار
اهوى ليالـي الفـرح بتجمـع الاحبـاب


جربت الاصحاب من بدري
خسران فيهم ماني بربحان
وبالتجربه بان لي قـدري
بأن الصداقه كـلام لسـان


تضحك على دمعتي وتقول انا مالي
انت السبب علتي والي بيجرالـي
لوكنت اعلم ان المحبه تبهذل الغالي
ماكنت حبيت مره ولا انشغل بالي


يالي تخاف من عيوني لاتزيد في بعدك
مجروح وعاشق هواك مقدر على صدك
وحيات مين جمع قلبـي علـى قلبـك
انسى جميع البشر لمن اكـون جنبـك


لما دعانـا الغـرام جينـا اراضيكـم
واحترت اراضي الغرام والا اراضيكم
والله لولا العـوازل لكنـت اناديكـم
واقول كفايه عناد ترا القلب شاريكـم


نـادى عليـا القمـر انـا قلتلـه امــرك
مكتوب عليا اعشقك واخضع واطيع امـرك
يالي ضناك الهوى واحتـرت فـي امـرك
اللي انكتب على الجبين لا بامري ولا بامرك


العين بتعشق واللي انشبك قلبـي
وانا اذوق العنا والمـر واخبـي
ياناس قولو للي عشقته انا وقلبي
ليه بتنكر الحب وانته سبب غلبي


ان شاء الله اعحبتكم الكسرات ...


م/ن