بسم الله و الصلاة و السلام على رسول الله
السلام عليكم و رحمة الله و بركاته

شلونكم شباب شخباركم عساكم كلكم طيبين

اليوم جايبلكم هالفكرة الحلوة و البسيطة و أسأل الله إنها تعجبكم و تستفيدون منها. و هذي الفكرة بإذن الله راح تكون حصرية لأرياق دوت كوم و إهداء حق بو سعد و جميع أعضاء المنتدى الطيبين.

الهدف من الفكرة هو لف خيط الصيد على البكرة بطريقة سريعة و سهلة و بدون شربكة. هذي الفكرة مفيدة لما تحبون تغيرون الخيط القديم و تحطون مكانه خيط جديد. طبعا معظمنا لما يشتري الخيط الجديد يخلي البياع في المحل يلفله اياه على البكرة على الماكينة اللي في المحل، لكن في ناس يحبون يشتغلون بإيدهم شوي و هذي الفكرة مفيدة لهم. و هي الفكرة مفيدة بعد للي عنده سنارة و محتاج يشيل الخيط عن الماكينة مؤقتا و بعدين يرجع يلفه على ماكينة السنارة. في هذه الحالة ممكن يتبع نفس الخطوات اللي مشروحة هني من من أجل لف الخيط على بكرة، و بعد ما يخلص صيانة ماكينة السنارة يرجع يلف الخيط على الماكينة.


بداية نشرح الأغراض المطلوبة:

1- بداية نحتاج البكرة

http://www.aryag.com/download/up/aryag_com_1839247291.JPG

2- دريل.

http://www.aryag.com/download/up/aryag_com_984358199.JPG

3- علبة حجمها مناسب لفتحة بكرة الخيط من الداخل. بالنسبة لي لقيت علبة الآيس كريم KDD اللي في الصورة مناسبة جدا لاحظوا في الصور الثانية شلون البكرة راكبة على العلبة.طبعا لازم تكون البكرة ثابتة على العلبة زين.

http://www.aryag.com/download/up/aryag_com_713304080.JPG

http://www.aryag.com/vb/attachment.php?attachmentid=438&stc=1&d=1231964084

http://www.aryag.com/download/up/aryag_com_1645033494.JPG

4- برغي طويل مع صامولة و واشر مثل اللي في الصورة.

http://www.aryag.com/download/up/aryag_com_1262764064.JPG

و الآن نبتدي العمل، بسم الله الرحمن الرحيم.

أولا نحفر بالدريل فتحة في وسط قاعدة العلبة البلاستك، و نحاول قدر الإمكان إن الفتحة تكون في الوسط تماما. هذي قاعدة العلبة بعد عمل الفتحة. طبعا حجم الفتحة لازم يكون مناسب لحجم البرغي المستخدم.

http://www.aryag.com/download/up/aryag_com_1773514528.JPG


ثانيا: نركب الواشر على البرغي، و بعدين ندخل البرغي في الفتحة اللي عملناها في العلبة و تكون الجهة اللي ندخل منها البرغي هي الجهة الداخلية مثل ما إنتو شايفين في الصورة.

http://www.aryag.com/download/up/aryag_com_1912735147.JPG

و بعدين نركب الصامولة على البرغي من الطرف الثاني و نشدها بقوة. هذا الشكل النهائي للعلبة بعد ما ركبنا البرغي و الصامولة.


http://www.aryag.com/download/up/aryag_com_739885328.JPG

http://www.aryag.com/vb/attachment.php?attachmentid=442&stc=1&d=1231965906


ألحين العلبة جاهزة للتركيب على الدريل. أول شي نركب البكرة على العلبة و نتأكد إنها شادة عليها عدل، و بعدين نركب العلبة على الدرل كما يلي: ندخل ساق البرغي في فتحة ريشة الدريل و نشدها تماما مثل ما نشد ريشة الدريل. و نحصل على التركيب التالي:

http://www.aryag.com/vb/attachment.php?attachmentid=443&stc=1&d=1231966002

ألحين نقدر نبدى الشغل، نلف الخيط على البكرة لفة وحدة و نعقده، و بعدين نمسك الدريل بإيد و نمسك بالإيد الثانية الخيط و نشغل الدريل علشان البكرة اتدور و تسحب الخيط. طبعا الإيد اللي ماسكين فيها الخيط مهمتها توجيه الخيط و التأكد من إنه ما يطلع برة البكرة لأنه لو طلع براتها ممكن يلف على البرغي أو العلبة. هذا فيديو يوضح عملية لف الخيط.



بالنهاية أرجو إنه الموضوع يكون عجبكم و سامحوني على القصور.

ملطوش من أحوكم بشار حجاوي.

شكرا عمو الغالى / بو سعد ....... على الطريقة الحلوة للف الخيط والشكر موصول لاخونا بشار الجاوى

على هذا الابداع والفضل الكبير لله ثم لارياق الكويت وادارتها الرائدة التى منحتنا هذا الشرف الكبير

الله لايحرمنا منك ياعمو / بوسعد ... على كل ماتقدمه لنا .... دمت لنا ياغالى .

السلام عليكم
اخي الحبيب الفاضل.......ابو سعد
الله يجزاك خير على المعلومات والله
لايحرمنا من مواضيعك.

ودمتم بخير......................ـــا

ههههههههههههه
خوش لطشه
يازينك ويا زين للطشاتك
ما قصرت

الف شكر ماقصرت 100%